DILI 01 JUÑU 2022

Konsellu Ministrus hala’o Sorumutu iha Auditóriu Ministériu Finansas, no Aprova ona Projetu Deliberasaun ne’ebé aprezenta husi Primeiru-Ministru, Señor Taur Matan Ruak, kona-ba Autorizasaun hodi loke prosedimentu aprovizionamentu ba adjudikasaun kontratu ba akizisaun servisu jestaun ezekusaun Estratéjia ba Implementasaun Sistema Identifikadór Úniku (ID Úniku), no autoriza selebrasaun kompromisu plurianuál relasiona ho ezekusaun kontratu ne’ebé atu adjudika. Ho deliberasaun ne’e, Konsellu Ministrus deside hodi autoriza abertura prosedimentu aprovizionamentu ho tipu Konkursu Públiku Internasionál, ho valór US$ 13.814.201, hodi autoriza mós Ajénsia Teknolojia Informasaun no Komunikasaun, I.P. sigla português TIC TIMOR I.P hodi jere ezekusaun Estratejia ba Implementasaun Sistema Identifikadór Úniku (ID Úniku) iha rejime plurianuál.