Iha âmbitu expozisaun ne’ebe organiza husi Ministériu Administração Estatal iha Feira Baucau husi loron 22 to’o 28 de Novembro 2021, hodi komemora loron 28 Novembru ba Aniversáriu Proklamasaun Independênsia Timor-Leste nian, maka Sekretariadu ID Úniku hamutuk ho ekipa TIC Timor halo viajen ba Daresula-Baucau hodi monta stand ida ba halo expozisaun servisu sira husi TIC Timor nian, inklui mos ID Úniku ho atividade sira kona-ba governo eletrôniku nian.
Durante Feira iha semana ida nia laran ne’e, ami fahe informasaun kona-ba ba ID Úniku ba públiku sira no fahe mos ba vizitante sira brosur barak ho konteúdu husu no hatan kona-ba ID Úniku.