Iha loron 19 fulan Agostu 2022, TIC Timor I.P liuhosi Diresaun ID Úniku hala’o dezeminasaun informasaun konabá inisiativa programa ID Úniku ba Lideransa no Funsináriu MAE. Objetivu hosi workshop ne’e atu partilla informasaun konabá  inisiativa husi programa ID Úniku no ninia jornada implementasaun.

Workshop refere ofisiálmente loke hosi Exelénsia Vise-Ministru Administrasaun Estatal (MAE) Sr. Lino de Jesus Torrezão no partisipa mós hosi Diretór Ezekutivu Interinu TIC Timor I.P Sr. Justo Fernandes.

Iha intervensaun Exelénsia Vise-Ministru MAE apresia tebes TIC Timor ne’ebé mak sai nudar ajénsia implementadór ba programa ID Úniku no enkoraja Lideransa no Funsináriu MAE sira atu partisipa másimu iha workshop ne’e to’o remata hodi hetan koñesimentu jerál ba inisiativa husi implementasaun ba programa ida ne’e. Iha sesaun sosializasaun ida ne’e, hetan partisipasaun másimu husi Diretores, Xefi Departamentu no Funsionáriu MAE.