DILI, 10 AGOSTU 2022

Ekipa Diresaun ID Úniku, TIC TIMOR I.P.  hala’o enkontru koordenasaun serbisu ho Diretór Jerál Desentralizasaun Administrativa MAE Sr. Belarmino Filomeno Neves ho ninia ekipa iha edifisiu MAE. Enkontru refere lidera husi Jestora Diresaun Identidade Úniku, Sra. Elizabeth Baptista, .

Iha sorumutuk ne’e, Koordenadór Komunikasaun ID Úniku, Sr. Miqueias da Conceição aprezenta planu sosializasaun programa ID Úniku ba Autoridade Lokál iha Postu no Munisípiu sira, nomós planu sosializasaun programa ID Úniku ba Funsináriu MAE. Objetivu husi sorumutuk ne’e atu kria liña kordenasaun hodi fasilita prosesu sosializasaun iha nível munisipál.

Iha sorumutuk ne’e nia rohan, ekipa hetan apresiasaun husi Diretór Jerál no  konfirmasaun katak MAE sei  fasilita kordenasaun servisu tuir mai.

#MÉDIA IDU#