DILI, 07 JUÑU 2022

Diretora Interina Diresaun Identidade Úniku (IDU), Sra. Fátima da Silva Caldas, hamutuk ho Diretór Divizaun Dezenvolvimentu Sistema Aplikasaun (DSA) TIC TIMOR I.P., Sr. Justo Fernandes no Jestora Diresaun IDU, Sra. Elizabeth Baptista ho ekipa, hala’o enkontru ho Ministru Prezidénsia Konsellu Ministru (MPKM), Sr. Fidelis Manuel Leite Magalhães, iha sala enkontru PKM.

Objetivu hosi sorumutu ne’e, atu relata progresu servisu Diresaun Identidade Úniku (IDU) nian liu-liu kona-ba, progresu aprovizionamentu ba implementasaun ID Úniku ne’ebé Konsellu Ministru aprova ona ho tipu konkursu públiku internasionál no TIC TIMOR hanesan Ajénsia implementadór, inklui mós servisu sira seluk ne’ebé oras ne’e dadauk Diresaun ID Úniku hala’o hela.

Alende ne’e, Ministru PKM apresia ho servisu ne’ebé hala’o ona no husu nafatin ekipa Diresaun Identidade Úniku (IDU) atu kontinua aselera servisu ida ne’e ba oin.

#MÉDIA TIC#