Planu Estratéjiku

1. Legál no institusionál

Komponente ida-ne’e estabelese fundasaun ba IDU sira. Nia dezenvolve planu operasionál no estudu viabilidade atu implementa estratéjia. Dokumentu projetu ida sei prodús tiha to’o iha trimestre datoluk iha 2021 atu buka alokasaun fundus hosi fundu infraestrutura, ka finansiamentu esternál hanesan subvensaun ka kréditu. Ajénsia, institutu ka komisaun nasionál ID nian sei forma. Sei aprova dekretu-lei kona-ba ID úniku/dijitál, hamutuk ho lei adisionál kona-ba Protesaun no Privasidade Dadus, Siberseguransa, Siberkrime no e-Komérsiu.

1.1 Dezenvolvimentu Projetu

1.2 Instrumentu legál ba protesau sidadaun dadus

1.3 Instrumentu legal ba IDU

1.4 Ajénsia ID Nasionál ou organizasaun seluk

Timeline

2. Dezenvolvimentu Sistema IDU

Komponente ida-ne’e dezenvolve software no prosesu sira nesesáriu atu organiza no jere informasaun biográfiku, dadus biométriku no númeru identifikasaun úniku sira ba IDU, ne’ebé sei liga ho bazedadus sira-seluk. Ekipamentu hotu-hotu nesesáriu atu rejista no asegura IDU sira mak hola. 

2.1 Hola software no ekipamentu

2.2 Adapta software IDU nian

2.3 Estabelese protokolu seguransa IDU nian

2.4 Estabelese padraun no protokol interkámbiu dadus

2.5 Atualiza DMIS no BI sira

Timeline

3. Rejistu no Validasaun

Komponente ida-ne’e rekolla sidadaun no rezidente sira-nia informasaun biográfiku no biométriku, ne’ebé sei uza atu estabelese identidade dijitál no emiti NIU ida. Validasaun mak halo uza biometria atu hasai rejistu duplikadu. Kooperasaun ho rejistu sívil mak implementa liuhosi suporte ba atualizasaun ka rekonfigurasaun ba DMIS no implementasaun ezersísiu rejistu konjuntu.

3.1 Lojístika no parseria rejistu nian

3.2 Implementa rejistu iha nivel terrenu

3.3 Valida no sertifika kredensiál sira

3.4 Haluan rejistu moris no integra NIU sira iha rejistu moris

Timeline

4. Integrasaun Kazu Uzu no Rejistu Funsionál

Komponente ida-ne’e mak halo rejistu IDU operasionál ho abilidade atu hala’o servisu autentikasaun, online no offline, uza informasaun biográfiku no biométriku hosi ema ne’ebé rejista tiha. Sei mós fasilita relasaun entre bazedadus funsionál sira (karta kondusaun, dadus saúde, nst.) ho sistema IDU. Nia halo kruzamentu no validasaun ba ezatidaun no kompletude hosi sistema funsionál hirak-ne’e bainhira mós fornese asesu ba informasaun entre ajénsia governu sira.

4.1 Liga ho bazedadus pagamentu (Grupu I)

4.2 Liga ho bazedadus MJ no MS (Grupu II)

4.3 Liga ho Kartaun Eleitorál (Grupu III)

4.4 Liga ho bazedadus ME no MI (Grupu IV)

4.5 Liga ho entidade aprovadu sira-seluk iha futuru

Timeline

5.Komunikasaun no Partisipasaun

Komponente ida-ne’e sei kria mensajen xave no uza mídia tradisionál no sosiál atu hasa’e koñesimentu no harii suporte hosi sidadaun, sosiedade sívil, no Ministériu sira atu asegura sira-nia investimentu ba objetivu sistema IDU nian.

5.1 Lansamentu IDU

5.2 Konsultasaun kona-ba privasidade dadus no aspektu legál

5.3 Komunikasaun kona-ba prosesu rejistu

5.4 Komunikasaun kona-ba uzu bazedadus funsionál

Timeline